文章寫於2017年1月22日
2017年1月4日 (三) – DAY 4
計劃行程
實際行程
Four Seasons Hotel -> 新羅免稅店 -> 午餐: 橋村炸雞 -> 七星路商店街 -> 中央地下街 -> 東門市場 -> 蓮洞商圈 -> 晚餐: 街頭章魚燒 -> E-mart & Lotte Mart
今次我亦用咗Google Maps嚟紀錄我去過嘅地方，大家可以入去初步了解吓再睇詳細遊記：
留喺濟州嘅最後一個全日啦，聽朝天未光就要搭飛機，所以今日就係最後一日可以望住靚景慢慢嘆早餐了。
臨別依依，出返市區前要再放眼欣賞吓城山嘅景色先。
今次搭701係往市區方向，會先搭到濟州市外巴士客運站，要接近兩個鐘。因為係總站落，所以可以安心瞓一陣。再喺客運站轉車去Four Seasons Hotel，好多車都經，我哋都係用Daum Map睇最快埋站而又啱方向嘅車就上。
搭咗兩個半鐘車，12點半終於到Four Seasons Hotel啦，但未夠鐘check-in，所以唯有寄存行李再出去玩先。下面嘅房照係夜晚返酒店之後影嘅哈。
呢間酒店位於新濟州，我貪佢近機場之餘係位於三個購物點 (蓮洞商圈、E-mart 同 Lotte Mart) 中間，方便夜晚行邊個地方都可以步行返酒店。雖然其實行落都要10幾分鐘，但好彩媽媽行得，而酒店都夠乾淨，所以位置同環境我都幾滿意 😀
韓國出名炸雞，但上次同媽媽去首爾都無食到，所以今日午餐就決定帶佢食出名嘅橋村炸雞교촌치킨 (제주특별자치도 제주시 삼도2동 1192-22)。上次我自己一個去濟州釜山都有外賣橋村炸雞，但係叫咗香蒜全雞發現除咗雞翼同雞腿外，其他部分肉都唔夠滑，所以今次我介紹媽媽叫香蒜系列嘅雞翼同雞腿餐 (Kyochon combo)。嚟到趁熱食係幾正嘅，肉都好滑，但我哋兩個都覺得有汁點會更易入口同好味 😛 同埋原來兩個人食一個餐都係會滯，我諗3人一餐會係最啱比例哈。
食完午餐就帶咗媽媽搭車去舊濟州嗰邊嘅市區shopping先，依然係靠Daum Map搵邊架車啱，好多車都啱，搭大約40分鐘就到。
其實上次我自己一個都去過嗰邊，今次再去好有親切感，帶媽媽行我行過嘅路。由七星路商店街제주칠성로상점가 (제주특별자치도 제주시 칠성로길 36)嘅名店區開始行，跟住到中央地下街제주중앙지하상가 (제주특별자치도 제주시 중앙로 60)嘅小店，最後再去東門市場동문재래시장 (제주특별자치도 제주시 관덕로14길 20)感受吓韓國嘅街市風貌。今次我無點影相了，大家想睇相可以去返我上一篇去濟州釜山嘅遊記 (其實都係得幾張哈)：https://www.mixchatz.com/blog/travel/jeju-busan-solotrip-day-3/
夜晚搭返車去新濟州呢邊行蓮洞商圈연동재원사거리 (제주특별자치도 제주시 신대로 124 101호)同兩大超市。蓮洞商圈兜咗個圈無咩嘢買到，因為啲衫褲都唔算平。 跟住行去E-mart 이마트 신제주점 (제주특별자치도 제주시 1100로 3348)，喺附近見到呢檔章魚燒，雖然日本先係出名章魚燒，但見到有人排隊加上望到佢即製覺得好有風味，忍唔住決定當晚餐食 😛
食完就入E-mart睇吓衫褲，掃吓零食做手信，同買韓國特色杯麵做另一晚餐。我記得係農心出嘅，但唔係辛辣麵… 無影相就係會失憶 🙁
跟住就去埋Lotte Mart 롯데마트 제주점 (제주특별자치도 제주시 연북로 1)，都係周圍行吓同買零食。行完超市就返酒店食埋個杯麵，呢個韓國之旅嘅最後一日就完啦～
——————————————————————————————————————–
2017年1月5日 (四) – DAY 5 (完)
實際行程
07:30 Jeju -> 09:55 HKG T2
因為7點半機，預個幾鐘前到機場，所以5點幾就要出門啦。時間太早無巴士搭，我哋決定請酒店職員幫我哋約的士，佢都真係好好態度咁幫我哋call的士，服務好好呀 🙂 的士5-10分鐘左右就嚟到酒店，跟住10分鐘就到機場啦，我時間預得啱啱好哈。
正式上機離開濟州…
咁就去咗兩次濟州，雖然仲有西部未去過，但短期內應該都會去吓其他國家先。下次再嚟濟州可能係幾年後了 😛
