文章寫於2017年8月14日

DAY 3 (2014年7月13日)

無去到神戶嘅神社，今日就嚟到其他地方嘅神社啦，仲要應該係京都最出名嘅神社 – 伏見稻荷大社。

一到就有個大紅嘅鳥居歡迎我哋。

望一望地圖，唔知半日可以行到幾遠，去唔去到頂呢。

去千本鳥居前入下個神社祈下福先。

想拋個銀仔入箱，點知… 拋咗出界，我嘅福呀～

繼續行去千本鳥居方向，有間玉山稻荷社。

到鳥居核心啦！排排站嘅鳥居係幾壯觀。

行呀行… 最後，我哋係上唔到終點嘅哈哈。因為考慮到下晝仲有嵯峨野要去，計埋行返落鳥居起點都要時間，所以我哋就決定中途止步啦。

離開鳥居出發去搭嵯峨野嵐山小火車。我哋決定坐由龜岡站去嵐山站方向，順便去竹林。

到咗龜岡站。

車站上有好似千與千尋卡通嘅擺設。

坐上小火車，沿途風景有山有水有樹林，好寫意。

跟住落車先影返張小火車頭相。

最後今日旅程喺嵐山竹林小徑完結。雖然竹林真係幾高，但我偏愛海景，所以對竹林無太大感受 😛