成日有人會講細個聽歌淨係識聽音樂，而大個先明歌詞意義。但我發現自己係細細個就鍾意睇人哋解釋歌詞背後意思，仲曾經想整個分析歌詞嘅網哈。最後當然係無相當嘅文學造詣，所以只有喺呢度得閒分享下我鍾意嘅歌，而主要都係因為欣賞佢哋嘅歌詞 😛
因為歌詞呢點，所以大部分農夫嘅歌我都鍾意。雖然有人會覺得佢哋話自己叫rap但其實唔係，但係咪正宗rap對我唔太重要，我鍾意嘅係啲歌詞。
例如農夫嘅呢首”十七年華”係一首無咩人知嘅歌，但其實好有意義。聽完會令我反思新聞嘅真實性，睇新聞都要有批判思維，呢樣正正係香港人今日好需要嘅。
首歌以我理解係講述一名少女俾爸爸侵犯，最終頂唔順喺十七歲時決定跳樓。點知新聞就形容少女係因為吸食毒品而致跳樓死。亦只根據表面，描述到個爸爸好好，以為佢因為好錫個女而喊。而其他人都無再查證，個個睇完報紙內容就當係事實，亦都睇完就算，過咗幾日大家焦點都已經轉移去另一單新聞。
雖然首歌已經係好多年前嘅歌，但佢描述嘅新聞情況直到依家2021年依舊無變。希望有人同我一樣聽到呢首歌之後睇新聞會識諗多一層，知道新聞講嘅都未必係事實，任何野都唔好盡信，最緊要識FC 🙂
農夫 – 十七年華
專輯：鄭永芝
作曲：DJ Galaxy
填詞：Gigi / C君 / 6永
主唱：農夫
OP：Big Boss Company Limited
SP：Warner/Chappell Music HK Limited
叛逆少女墮樓亡 迷魂毒品累一生
嚟吖嚟吖陪我行 我諗我行埋呢趟樓梯應該唔會煩
我諗個天台應該有好多靚位俾我揀
等我揀返個跌落嚟會死得無咁慢 死得 比較燦爛
記得 教堂啲Father話要當正Father係我親生Father 千祈咪將佢褻瀆
但係我嘅親生Father就係每晚爬喺我度 攞我嚟洩慾
咁我嘅結局 係咪就係行多十七層
我而家十七歲 座大廈冇第十八層
咁 我又有冇第十八歲 (少女尋死 慈父燒鵝脾跚跚來遲)
我日日等 日日忍 但係點解都硬係咁
問上主 問老師 話俾通街啲社工知
但係佢地話我飛女衰女吹水
不突止 仲話咦 乜你開始食毒品
無錯我成身安眠藥 但係無諗過食安眠藥死
只不過係我身體弱弱地 醫生著略俾 幾樽
等我返屋企可以略略訓得著
但係個屋企 我無再返番嚟
我老豆根本係隻生番嚟 你依家睇緊唔係三更嚟
我阿媽會靠啲中藥返生先奇
媽 我落嚟陪你
＊左圖為死者高處墮下 右圖為女死者的爸爸
驚聞噩耗後悲痛不已 本圖為本報獨家＊
repeat ＊
＃此時這地就這樣遠離
就當流雲散聚 我又化做雨水
窗外雨下那夜星又隕落 來而又去
你我不過又再兜圈＃
本報訊 某中學中三輔導班一名女學生
於昨日晚間被其大廈夜間看更王生發現
倒臥於大廈門口與停車場之間
發現事主時已不醒人事 送院救治後證實不治
女死者梁ｘ交叉十七歲 在校內成績很差為一名夜歸少女
在家中她是一名獨女 早年喪母與父親同居
身兼母職的父親一向疼愛女兒 (你點知)
他昨夜下班時 原想逗女兒歡喜 買了燒鵝脾
豈料 未幾 回家 已得知女兒尋死
(我仲唔死 唔通等佢食完隻燒鵝脾 再擒上嚟)
梁父一臉茫然道 ”傻女 喺學校嘅野可以話俾老豆知架嘛”
警員於死者身上發現安眠藥 (喂我瞓唔著) 與咳藥水 (我咳喎)
懷疑是服食過量藥物導致自殺的證據
repeat ＃
第二天 沒人理會這新聞
第三天 沒人理會這新聞
第四天 沒人理會這新聞
第五天 同樣事件再發生
第六天 人人關注那新聞
第七天 沒人理會那新聞
第八天 沒人理會那新聞
第九天 沒人理會那新聞
第十天 沒人理會那新聞
