文章寫於2017年8月14日
DAY 7 (2014年7月17日)
今日陪咗朋友去日本環球影城玩全日。其實我平時無睇super hero類嘅電影，都無睇哈利波特，所以唔太熱衷環球影城。如果係我自己嚟大阪，呢個一定唔會係我行程之一哈。但既然朋友鍾意，又難得嚟大阪旅行，係要同佢哋一齊嚟呢度行吓玩吓機動遊戲嘅。但我今次就唔多介紹啦，大家對呢啲角色應該仲熟過我哈。
玩完一日我哋最後就去咗間酒店附近嘅居酒屋食晚餐。我記得當時已經好夜，所以店內又係無其他客人，得我哋。我哋食食吓野開始同老闆傾計，最後唔知點解老闆仲變魔術俾我哋睇，好有趣又好有愛嘅經歷！
