文章寫於2017年1月22日
2017年1月2日 (一) – DAY 2 (下) *因為太長所以分做兩篇 😛
計劃行程
![](https://www.mixchatz.com/blog/wp-content/uploads/2020/12/20170122_659a5e8809e78b4b0227FGIpELlKzz10.png)
實際行程
城山碼頭 -> 11:00船程往牛島天津港 -> 租3輪電單車 -> 午餐: 로뎀가든 -> 珊瑚沙海水浴場 -> 幻彩海螺 + 烽火台 + 燈塔 -> 下高水洞海水浴場 -> 東岸鯨窟 -> 15:30天津港船程往城山碼頭 -> 城山日出峰山腳鋪頭 -> 晚餐: 성산흑돼지두루치기
今次我亦用咗Google Maps嚟紀錄我去過嘅地方,大家可以入去初步了解吓再睇詳細遊記:
食完午餐就出去欣賞吓珊瑚沙海水浴場산호사해수욕장。雖然呢日天氣唔晴朗,睇唔到個海好藍嘅一面,但都見到海水分層深淺兩色,近沙嘅淺藍真係好靚 😀
![](https://www.mixchatz.com/blog/wp-content/uploads/2020/12/20170122_ee9c6faf8c2092cc68fdLWYMSz4Ry664.jpg)
![](https://www.mixchatz.com/blog/wp-content/uploads/2020/12/20170122_285965c1802cd5f98b6cfhr2OLhlgUOp.jpg)
跟住繼續驅車前進牛島最頂端嘅幻彩海螺、烽火台답다니탑同燈塔망루등대。下面幅幻彩海螺旁就係烽火台啦,大家可以行上烽火台頂高處遙望吓。
![](https://www.mixchatz.com/blog/wp-content/uploads/2020/12/20170122_089abdc3ed0e6a56eb9atWDBmcLNYiH8.jpg)
![](https://www.mixchatz.com/blog/wp-content/uploads/2020/12/20170122_61de66bc4948dffc80cfWcHvnUgowcL5.jpg)
下一站係下高水洞海水浴場하고수동해수욕장,係牛島另一大海水浴場,同珊瑚沙海水浴場一樣以海水色彩聞名。聞說呢度海邊黑石較多,所以會多一層黑色嘅色彩,不過我唔係好睇到,但就睇到多咗海女嘅石像哈。
![](https://www.mixchatz.com/blog/wp-content/uploads/2020/12/20170122_e39a6515390cad455f2crI6rS2x42N8n.jpg)
![](https://www.mixchatz.com/blog/wp-content/uploads/2020/12/20170122_37703794782976de01b2aWDDEYFTTLsT.jpg)
之後就嚟到東岸鯨窟동안경굴。附近係黑沙海岸검멀레해변同後海石壁후해석벽。相入面你哋睇到嘅係黑沙海岸同後海石壁,至於東岸鯨窟… 鯨窟入口要退潮時先可以見到,同埋其實要搭潛水艇先參觀到。潛水艇票牛島售價處有售,會由城山港出發,帶大家遊經龍頭巖、鱷魚巖、後海石壁同東岸鯨窟。
![](https://www.mixchatz.com/blog/wp-content/uploads/2020/12/20170122_f0fce9442cf7d4c8652cJaEjkjD7viVz.jpg)
![](https://www.mixchatz.com/blog/wp-content/uploads/2020/12/20170122_2be6acf154420edffe56dcLFK8KgZcCi.jpg)
![](https://www.mixchatz.com/blog/wp-content/uploads/2020/12/20170122_34fc2d4c5e952009db65Vr1jOx2yA9yf.jpg)
因為差唔多夠鐘還車,就去唔到最後一個景點牛島峰우도봉 🙁
到天津港還車之後仲有半個鐘先有下一班船,所以就去咗食杯牛島出名嘅花生雪糕。雖然呢間唔係牛島最出名嘅雪糕店,但我覺得佢嘅雪糕花生味都夠濃,係差在如果花生用碎粒上會更有風味 😛
![](https://www.mixchatz.com/blog/wp-content/uploads/2020/12/20170122_d17e9e4c3e9f1d92b73fkkvWaow3gpAX.jpg)
話咁快下晝3點半了,夠鐘搭船返城山碼頭。
![](https://www.mixchatz.com/blog/wp-content/uploads/2020/12/20170122_b204d898793e7df63a9dBYG5g6th9MEf.jpg)
因為見時間尚早,我哋去行咗陣城山日出峰성산일출봉 (제주특별자치도 서귀포시 성산읍 성산리 78)山腳嘅鋪頭,為聽日城山日出峰行程視察吓環境,但其實都無咩嘢行。
![](https://www.mixchatz.com/blog/wp-content/uploads/2020/12/20170122_e05ec770666da310810bDGraTB9Z99qS.jpg)
無特定plan今晚食咩晚餐,所以只係由出發前儲左嘅城山食店list選一間鋪頭出嚟。本來呢間성산흑돼지두루치기 (제주특별자치도 서귀포시 성산읍 성산리 299-5)係諗住食燒肉嘅,但因為我哋其實唔太肚餓,去到又見到佢有媽媽未試過嘅海藻湯,一於就食呢樣~
![](https://www.mixchatz.com/blog/wp-content/uploads/2020/12/20170122_f3526b5316804e3fa114PWow07fivJ0y.jpg)
![](https://www.mixchatz.com/blog/wp-content/uploads/2020/12/20170122_5df0b80902eb616bc6daxcucaEddRpbo.jpg)
本來都怕唔知媽媽食唔食到辣,因為上次我自己一個濟州旅行食嘅另一間海藻湯係辣嘅。但好好彩今次呢間同我上次嘅唔同風味,佢唔辣而且有豬肉,啱哂媽媽 😛 食到無大眾推薦嘅好嘢食,好滿足,就由我做推薦嗰個!