文章寫於2017年1月22日
2017年1月3日 (二) – DAY 3 (下) *因為太長所以分做兩篇 😛
計劃行程
實際行程
涉地可支 -> Aqua Planet海洋世界 (11:10海洋劇場 & 12:20濟州海女文化) -> 午餐: Aqua Planet內food court -> 城山日出峰 (15:00海女海撈潛水表演) -> 碼頭日落 -> 晚餐: 일출봉등경돌식당
今次我亦用咗Google Maps嚟紀錄我去過嘅地方，大家可以入去初步了解吓再睇詳細遊記：
回程我哋都係選擇行一段路再搭車，大約一個鐘就到城山日出峰。
因為下晝3點有海女海撈潛水表演，所以買飛後急急行去表演地點睇咗先。頭幾分鐘海女們會先播放音樂做吓熱身，跟住先落水。望到海女落真海同水族館嘅水缸個感覺唔同，呢邊好似實在啲，因為佢哋真係捕撈緊哈。但呢邊就睇唔到海女海下做緊咩，只見到橙色浮波郁 😛
等咗15分鐘左右，海女逐一上岸，我見到大部分海女都撈唔到野，係有一個撈到幾樣海產。
睇完表演就開始行上城山啦～係有啲累嘅哈。
到頂啦！雖然我影得唔靚，但呢張相表達到城山頂係平平哋的。
落返山下啦，幫城山影返個近鏡全相先。
本身想山上睇日落，但太早到頂等唔到太陽落山，所以最後決定提早離開城山去碼頭邊坐住欣賞日落 🙂
今日行咗咁多路，肚餓要食返餐豐富嘅海鮮宴先得。選咗呢間網上出名嘅일출봉등경돌식당 (제주특별자치도 서귀포시 성산읍 일출로 279)。
雖然天氣凍，但酒店暖，所以最後臨返酒店前去便利店買咗網上嘅人推介嘅呢支雪條。點知… 係唔錯喎，我以為係冰棒feel，點知佢似雪糕，而且蜜瓜味夠濃 (後來知道香港都有哈)。
今日係好充實嘅一日 😀
